ბოლონიაში უკვე იციან, რომ მილანი ფეხბურთელის გამოსასყიდი თანხის €40 მილიონის გადახდას აპირებს, დარჩნილია მხოლოდ პირადი კონტრაქტის შეთანხმება. ამ გარიგებიდან ზირკზეს ყოფილი გუნდი, ბაიერნიც იხეირებს, კერძოდ გერმანული გრანდი ტრანსფერიდან 50%-ს მიიღებს (€20 მილიონს).
ტრანსფერის განსახორციელებლად რამდენიმე მნიშვნელოვანი დეტალია შესათანხმებელი - პირველ რიგში პირადი კონტრაქტი, რასაც მილანი შედარებით მარტივად მოაგვარებს. ფეხბურთელი წელიწადში €4-5 მილიონს ითხოვს, რაც "როსონერისთვის" სრულიად მისაღები თანხაა, თუმცა ზირკზეს აგენტი ამ გარიგებას საფრთხის ქვეშ აგდებს. მიზეზი? მაღალი საკომისიო, რომელსაც აგენტი კია ჯორაბშენი ითხოვს. საუბარია არც მეტი, არც ნაკლები €15-20 მილიონზე. მილანი ამ თანხის გადახდას რა თქმა უნდა არ აპირებს, თუმცა მხარეები მოლაპარაკებებს აგრძელებენ, რადგან მონკადა-იბრაჰიმოვიჩის დუოს, ფეხბურთელის დამატება ძალიან სურს. განიხილება მოთხოვნილი საკომისიოს შემცირება, თუმცა რამდენი მილიონით, ჯერჯერობით უცნობია.
მილანი პირველ რიგში ახალ ფორვარდს დაიმატებს, ზირკზე კი #1 სამიზნეა. ამის შემდეგ გუნდი სხვა პოზიციებს გააძლიერებს: ცენტრალური მცველი, მარჯვენა მცველი, საყრდენი ნახევარმცველი, უფროსობა ფონსეკასთან ერთად პოტენციურ ტრანსფერებზე უკვე მუშაობს.
