როგორც ლივერპულის ოფიციალურ განცხადებაში ვკითხულობთ, კონორ ბრედლიმ მარცხენა მუხლზე უმძიმესი ტრავმა მიიღო, რის გამოც ოპერაციული ჩარევა ესაჭიროება.
პირველადი ინფორმაციით, ახალგაზრდა ფეხბურთელი ამ დაზიანების გამო მიმდინარე სეზონში თამაშს ვეღარ შეძლებს.
22 წლის განაპირა მცველმა მძიმე ტრავმა პრემიერ ლიგის ბოლო ტურში, არსენალთან შეხვედრაში მიიღო. თავიდან იყო ვარაუდი, რომ დაზიანება მძიმე არ აღმოჩნდებოდა, თუმცა არნე სლოტისა და ექიმების მოლოდინები სამწუხაროდ არ გამართლდა.
დიდი შანსია ამ ტრავმის გამო, ლივერპულმა მიმდინარე სატრანსფერო ფანჯრის დროს ახალი მარჯვენა მცველის დამატება გადაწყვიტოს.
