საქართველოს ნაკრების თავდამსხმელისთვის ჟორჟ მიქაუტაძისთვის 2026 წელი წარმატებულად დაიწყო. ვილიარეალის მაისურით მან უკვე 2 გოლი გაიტანა.
ვილიარეალის მთავარმა მწვრთნელმა მარსელინომ მიქაუტაძის შესახებ ისაუბრა.
"გუნდში მნიშვნელოვანი ცვლილებები განვახორციელეთ, ახალი ფეხბურთელები მოვიყვანეთ და ლოგიკურია, რომ მათ ახალ გარემოში ადაპტაცია უწევთ.
მათ შორისაა მიქაუტაძეც, რომელიც კვლავ შეგუების პროცესშია. მან მხოლოდ ფრანგული ენა იცის და კომუნიკაცია მათთან აქვს, ვინც ფრანგული იცის. ჟორჟი განსხვავებული ცხოვრების წესს სწავლობს, ეგუება ესპანურ ენას და ლოგიკურია, რომ ამ ყველაფერს დრო სჭირდება.
როცა მიქაუტაძე საფრანგეთს გარეთ თამაშობდა, ადაპტაციისთვის ყოველთვის დრო სჭირდებოდა ხოლმე. როცა ადაპტაცია დასრულდება, მისი სათამასო ხარისხიც გაუმჯობესდება - ეს ერთი მეორესთან თანხვედრაშია.
ყოველთვის ვითხოვ, რომ თავდასხმელებმა დაცვაში ნაკლები ირბინონ. თუ ფორვარდი დაცვასაც ეხმარება, ის შეტევაში ნაკლებად ეფექტურია, ამიტომ მიქაუტაძისგან ერთ რამეს ვითხოვ - ნაკლები სირბილი დაცვაში და მეტი ეფექტურობა და საგოლე მოქმედებები შეტევით ხაზში. ჟორჟი ძალიან კარგი ფეხბურთელია", - განაცხადა მარსელინომ.
