მანჩესტერ იუნაიტედის ყველა დროის საუკეთესო ბომბარდირმა, უეინ რუნიმ თავის ყოფილ გუნდს მეკარე ურჩია. ვეტერანი ფეხბურთელი მიიჩნევს, რომ "წითელმა ეშმაკებმა" არ უნდა გაუშვან ხელიდან ჯიჯო დონარუმას გაფორმების შანსი. შეგახსენებთ, ვარსკვლავური გოლკიპერი და პარის სენ-ჟერმენი ახალი კონტრაქტის პირობებზე ვერ შეთანხმდნენ.
"ვიხსენებ დროს, როდესაც მანჩესტერის კარში ჰოვარდი და კეროლი იდგნენ. მცველები მათ არ ენდობოდნენ, რაც გუნდის შედეგებზეც ისახებოდა. რა მოხდა შემდეგ? მოვიდა ვან დერ სარი და ყველაფერი შეიცვალა. მაღალი დონის გოლკიპერთან ერთად, იუნაიტედი ახლებურად ათამაშდა.
რაც შეეხება ამჟამინდელ მდგომარეობას, სიგიჟე იქნება, თუ "წითელი ეშმაკები" დონარუმას გაუშვებენ ხელიდან. ის მსოფლიოს ერთ-ერთი საუკეთესო გოლკიპერია. ცოტა ხნის წინ, ვნახე ჯიჯოს სტატისტიკა და დავრჩი გაოგნებული, თუ როგორი ეფექტურია ის. მისი დაკარგვა შეცდომა იქნება."
