"ვფიქრობ, ჩაკვეტაძეს კუნთების კრუნჩხვა აქვს. ტრავმირებულები ასევე არიან კებენი, ლარუჩი და მორისი. ჯერჯერობით რთულია იმის თქმა, შეძლებენ თუ არა ისინი სტოკთან თამაშს. შესაძლოა, შაბათისთვის უკვე მწყობრში იყვნენ, მაგრამ არ გამოვრიცხავ იმასაც, რომ ვერ ითამაშონ", - განაცხადა ინგლისელმა თავკაცმა.
შეგახსენებთ, რომ ქართველმა შემტევმა ნახევარმცველმა მიმდინარე სეზონში მოასწრო ორი გოლის გატანა და შვიდი საგოლე გადაცემის გაფორმება. საინტერესოა ისიც, რომ გიორგის სახელს უკავშირებენ პრემიერ ლიგის კლუბებს, ევერტონსა და ვულვზს.
