ლივერპულის ლიდერმა, მოჰამედ სალაჰმა, თავისი საყვარელი ფეხბურთელები დაასახელა. პრემიერ ლიგის ვარსკვლავმა დაასახელა სამი ლეგენდა - რონალდო ნაზარიო, ზინედინ ზიდანი და ფრანჩესკო ტოტი. ეგვიპტელი ფორვარდი ყველაზე მეტს სწორედ თავისი ყოფილი თანაგუნდელის შესახებ საუბრობდა.
"რონალდო, ზიდანი და ტოტი. მათი თამაშის ყურებით უდიდეს სიამოვნებას ვიღებდი. განსაკუთრებით მინდა გამოვარჩიო უკანასკნელი, რომლის ტექნიკა უბრალოდ უნაკლო იყო. ჰკითხეთ ალისონს, თუ როგორი დიდი მოთამაშე იყო ჩესკო. მის გვერდით მან 3 წელი გაატარა", - განაცხადა "წითლების" ლიდერმა.
მერსისაიდელების მე-11 ნომერმა იტალიელი თავდამსხმელის გვერდით ითამაშა ორი წელი - 2015-2017 და ამ დროის განმავლობაში აღნიშნულმა დუეტმა ერთად 29 მატჩი ჩაატარა.
