ჩემპიონთა ლიგის 2024/25 წლების სეზონის პირველ მატჩში, მიუნხენის ბაიერნმა დინამო ზაგრები მიიღო და მეტოქე 9:2 გაანადგურა.
აღნიშნული შეხვედრა განსაკუთრებული გამოდგა რეკორდმაისტერის ფეხბურთელისთვის, ტომას მიულერისთვის, რომელმაც ტურნირის რეკორდი დაამყარა.
35 წლის გერმანელმა შემტევმა ჩემპიონთა ლიგაზე ერთი გუნდის მაისურით 152 შეხვედრა ჩაატარა, რაც რეკორდული მაჩვენებელია — მიულერმა ხავის შედეგი გააუმჯობესა.
ტოპ 10 ფეხბურთელი, რომელმაც ჩემპიონთა ლიგაზე ერთი გუნდის მაისურით ყველაზე მეტი მატჩი ჩაატარა:
1) ტომას მიულერი (ბაიერნი) — 152;
2) ხავი (ბარსელონა) — 151;
3) იკერ კასილასი (რეალი) — 150;
4) ლიონელ მესი (ბარსელონა) — 149;
5) რაიან გიგზი (მან.იუნაიტედი) — 141;
6) კარიმ ბენზემა (რეალი) — 133;
7) რაული (რეალი) — 130;
8) ანდრეს ინიესტა (ბარსელონა) — 130;
9) სერხიო ბუსკეტსი (ბარსელონა) — 129;
10) სერხიო რამოსი (რეალი) — 129;
ზოგადად, ჩემპიონთა ლიგაზე ყველაზე მეტ მატჩში მონაწილეობა კრიშტიანუ რონალდუს აქვს მიღებული, რომელმაც ტურნირზე 183 მატჩი ითამაშა — პორტუგალიელმა ვარსკვლავმა აღნიშნულ შედეგს 3 გუნდის მაისურით მიაღწია და 140 გოლთან ერთად, 48 საგოლე გადაცემაც გაიფორმა.
ტოპ 10 ფეხბურთელი ჩემპიონთა ლიგაზე ჩატარებული ყველაზე მეტი მატჩით:
1) კრიშტიანუ რონალდუ — 183;
2) იკერ კასილასი — 177;
3) ლიონელ მესი — 163;
4) კარიმ ბენზემა — 152;
5) ტომას მიულერი — 152;
6) ტონი კროოსი — 151;
7) ხავი — 151;
8) რაული — 142;
9) სერხიო რამოსი — 142;
10) მანუელ ნოიერი — 142;
Champions League
მიულერის საოცარი მიღწევა — გერმანელმა ჩემპიონთა ლიგის რეკორდი დაამყარა










