ჩემპიონთა ლიგის ისტორიაში ქალაქ მიუნხენში ჩატარდა ხუთი ფინალი და საინტერესოა ის, რომ ყველა შემთხვევაში გამარჯვებული ხდებოდა ის კლუბი, რომელსაც მთავარი საკლუბო ტურნირი იმ მომენტამდე მოგებული არ ჰქონდა. მიმდინარე სეზონში ასეთი გუნდების რიცხვს პარის სენ-ჟერმენიც შეემატა.
პირველი მიუნხენური ფინალი გაიმართა 1979 წელს - ნოტინგემ ფორესტმა მალმიო დაამარცხა. დიახ, ეს იყო ინგლისური გუნდის პირველი მთავარი საკლუბო ჯილდო. 1993 წელი: მარსელის ოლიმპიკი უგებს მილანს და ეუფლება თავის პირველს, მაგრამ ჯერჯერობით ბოლო ტიტულს.
ოთხი წლის შემდეგ, ანუ 1997 წელს, დორტმუნდის ბორუსიამ ასევე მიუნხენურ ფინალში ტურინის იუვენტუსი დაამარცხა. გადავინაცვლოთ 21-ე საუკუნეში, სადაც ვიხილეთ ორი მიუნხენური ფინალი: 20212 წელს, ჩელსიმ ბაიერნს მოუგო. როგორც ვხედავთ, ამ ტრადიციის წინაშე შინაური კედლების ფაქტორიც კი უძლურია.
ბოლოს კი პსჟ-ს ტრიუმფი მილანის ინტერზე. როგორც ვხედავთ, მიუნხენმა მართლაც გვაჩუქა ჩემპიონთა ლიგის ხუთი ახალი გამარჯვებული - ნოტინგემი, მარსელი, დორტმუნდი, ჩელსი და პარის სენ-ჟერმენი. ვნახოთ, ვინ იქნება შემდეგი...
