პრემიერ ლიგის 2025/2026 წლების სეზონი გაიხსნა ლივერპულისა და ბორნმუთის მატჩით, რომელიც დასრულდა მოქმედი ჩემპიონის გამარჯვებით, 4:2. შეხვედრაში საბოლოო წერტილი დასვა მო სალაჰმა, რომელსაც ინგლისის ჩემპიონატის პირველ ტურში უკვე 10 ბურთი დაუგროვდა.
ეგვიპტელი თავდამსხმელი ისედაც იყო რეკორდსმენი, ბოსკომბელების კარში გატანილი გოლით კი მან თავისი მიღწევა კიდევ უფრო შთამბეჭდავი გახადა. მერსისაიდელთა ლიდერის შემდეგ მოდიან ალან შირერი, ფრენკ ლამპარდი, უეინ რუნი და ჯეიმი ვარდი, რომელთა ანგარიშზე 8 ბურთია.
რაც შეეხებათ პრემიერ ლიგის მოქმედ ფეხბურთელებს, "წითლების" მე-11 ნომერთან შედარებით ახლოს ხუთი გოლით ერლინგ ჰოლანდი არის. დღეს, მანჩესტერ სიტი ეთამაშება ვულვზს და არაა გამორიცხული, "ფარაონს" ნორვეგიელი ფორვარდი კიდევ უფრო მიუახლოვდეს.
