ოფიციალურად დადასტურდა, რომ ქართველი ფეხბურთელი გიორგი არაბიძე მომავალი სეზონიდან ქუთაისის ტორპედოში ითამაშებს.
კლუბმა არაბიძე დღეს წარადგინა. მან იმერლებთან კონტრაქტი 1+2 სისტემით გააფორმა და LaGazzetta.ge-სთან კომენტარიც გააკეთა.
"ტორპედოში თამაშისას მაქსიმალურად ვცდილობდი, რომ ჩემი თავის საუკეთესო ვერსია ვყოფილიყავი და მომავალშიც ასე იქნება. ვეცდები, გუნდს სასურველი შედეგის მიღწევაში დავეხმარო.
ტორპედოს გულშემატკივრებთან განსაკუთრებული დამოკიდებულება მაქვს. ცუდ პერიოდში ისინი ჩემს გევრდით იყვნენ, რაც ჩემთვის ბევრს ნიშნავს. მაქსიმუმს გავაკეთებ, რომ მათ იმედები არ გავუცრუო.
გუნდის მიზნები უმაღლესია - ჩემპიონობა და ევროტურნრებზე წარმატებული ასპარეზობა. ყველა ფეხბურთელმა მაქსიმუმი უნდა გააკეთოს და საერთო მიზნისთვის უნდა ვიბრძოლოთ", - განაცხადა არაბიძემ ჩვენთან საუბარში.
