პრემიერ ლიგის მე-7 ტურის კიდევ ერთი მატჩი ოლდ ტრაფორდზე გაიმართა, სადაც მაყურებელმა მანჩესტერ იუნაიტედისა და სანდერლენდის დაპირისპირება იხილა.
იმის მიუხედავად, რომ რუბენ ამორიმის გუნდი ამ შეხვედრას ცუდ ფორმაში შეხვდა, მაყურებელმა მასპინძელი გუნდის ტოპ პერფორმანსი იხილა, რასაც ლოგიკური გამარჯვებაც მოჰყვა.
"წითელმა ეშმაკებმა" ამ გამარჯვების შემდეგ 10 ქულა მოაგროვეს და დროებით მე-8 პოზიციაზე გადავიდნენ. რაც შეეხება სანდერლენდს, "შავი კატები" 11 ქულით, მე-6 პოზიციაზე დარჩნენ.
მანჩესტერ იუნაიტედი 2-0 სანდერლენდი
გოლები: 1-0 მეისონ მაუნტი 8', 2-0 ბენიამინ შეშკო 31'.
მატჩის მიმოხილვა
რაც შეეხება კიდევ ერთ დაპირისპირებას, რომელიც ლონდონში გაიმართა, არსენალმა ვესტ ჰემს საკმაოდ მარტივად მოუგო და დაგეგმილი 3 ქულა მოიპოვა. მიკელ არტეტას გუნდმა მეტოქეს ყველა კომპონენტში აჯობა და მნიშვნელოვანი გამარჯვება მოიპოვა.
არსენალი 2-0 ვესტ ჰემი
გოლები: 1-0 დეკლან რაისი 38', 2-0 ბუკაიო საკა (პენ.) 67'.
