ინტერის ბანაკიდან ახალი, საკმაოდ არასასიამოვნო ინფორმაცია ვრცელდება — როგორც ირკვევა, გუნდის ბოლო ვარჯიშზე ტრავმა მიიღო სასტარტო შემადგენლობის შეუცვლელმა ფეხბურთელმა ნიკოლო ბარელამ, რომელმაც ბარძაყის უკანა კუნთი დაიზიანა.
იტალიელი ფეხბურთელის დაზიანება არც ისე მარტივია, სწორედ ამიტომ გარკვეული პერიოდის განმავლობაში უქმად ყოფნა მოუწევს.
პირველადი ინფორმაციით, ნიკოლო ბარელა მინიმუმ 4 მატჩს გამოტოვებს (დორტმუნდი, კრემონეზე, ტორინო, სასუოლო), რის შემდეგაც იტალიელ ნახევარმცველს ახალი გამოკვლევები ჩაუტარდება და ზუსტად გაირკვევა თუ როდის დაუბრუნდება მოედანს.
