ოფიციალურად: პოლ პოგბა მონაკოს ჩემპიონთა ლიგის მიმდინარე სეზონში ვეღარ დაეხმარება. ამის შესახებ ფრანგულმა კლუბმა განცხადება უკვე გააკეთა, სადაც ახსნილია თუ რატომ ამოიღეს ფრანგი ფეხბურთელი განაცხადიდან.
"პირველ რიგში, სამედიცინო პერსონალი გადაწყვეტილებების პოვნაზეა ორიენტირებული, რათა პოლი მოედანზე ჯანმრთელი რაც შეიძლება მალე დაბრუნდეს. პოგბა წვივის ტრავმის შემდეგ რეაბილიტაციის კურსს აგრძელებს, შესაბამისად, ზუსტი თარიღი უცნობია თუ როდის შეძლებს მოედანზე დაბრუნებას", - განაცხადა მონაკოს მთავარმა ექიმმა.
როგორც ჩანს, 32 წლის ფეხბურთელის ტრავმებს ბოლო არ უჩანს და ამ მომენტისთვის ფრანგი ცუდ ფიზიკურ კონდიციებშია.
შეგახსენებთ, მონაკო ჩემპიონთა ლიგის პლეი-ოფში პარი სენ-ჟერმენს დაუპირსპირდება. გუნდებს შორის პირველი დაპირისპირება 18 თებერვალს გაიმართება.
