"ჩემპიონთა ლიგა არის ჩემპიონთა ლიგა! ის განსხვავდება ყველაფრისგან. ვენეციასთან დამაჯერებელი გამარჯვება ძალიან გვჭირდებოდა, მაგრამ ჩემპიონთა ლიგაზე არავის აინტერესებს, თუ როგორ ფორმაში ხარ. აქ ევროპის საუკეთესო გუნდები არიან, ყველამ კარგად იცის ამ ტურნირის მნიშვნელობა.
ლივერპულთან გატანილი გოლი? - დიახ, ეს კარგი მოგონებაა, მაგრამ წარსულია. ხვალ ახალი გამოწვევა გველოდება წინ. როდესაც მილანში თამაშობ, ოცნება ყველაფერზე შეგიძლია. რატომ? შეხედეთ ჩვენს ფორმას, მას ხომ 7 ჩემპიონთა ლიგის ტიტული ამშვენებს. როდესაც ამას ხედავ, ხვდები, რომ შენი ოცნებისთვის და ფანებისთვის ბრძოლა შეგიძლია."
"ჩვენ ჯერ არ გვიჩვენებია რამდენად კარგები ვართ. გუნდში ძალიან ბევრი ტოპ ფეხბურთელი ირიცხება და მხოლოდ ახლა ვიწყებთ ყველაფერს. ჩვენი ფეხბურთელები, ევროპის საუკეთესო გუნდებში ძალიან მარტივად ითამაშებდნენ.
ჩვენს იდეებს უნდა გავყვეთ. ვენეციასთან გამარჯვება შემთხვევითბა არ იყო, ეს დამოკიდებულია იმაზე, თუ როგორ ვიმუშავეთ მთელი კვირის განმავლობაში. თუ ჩვენ არ გვჯერა გამარჯვების, ფანებიც არ დაიჯერებენ, შესაბამისად, ხვალ ბოლომდე ბრძოლა იქნება საჭირო. მილანი მოედანზე მხოლოდ მოსაგებად გავა."
ჩემპიონთა ლიგის ახალი ფორმატი სტარტს ხვალ აიღებს, მილანი-ლივერპულის მატჩი კი თბილისის დროით 23:00 საათზე დაიწყება.
