მიუნხენურმა გუნდმა მორიგი მძიმე მატჩი ჩაატარა ბუნდესლიგის 22-ე ტურში. ტუხელის ბიჭები ვონოვია რურშტადიონს ესტუმრნენ, სადაც ადგილობრივ ბოხუმთან ჰქონდათ მატჩი. თამაშის საწყის ეტაპზე, ბაიერნისთვის საგანგაშო არაფერი ყოფილა, მე-14 წუთზე მუსიალამ "რეკორდმაისტერი" წინ გაიყვანა, თუმცა ამის შემდეგ დაიწყო პრობლემები. ჯერ ასანომ შეძლო ანგარიშის გათანაბრება, შემდეგ კი, ტაიმის მიწურულს, შლოტერბეკმა ბოხუმი წინ გაიყვანა. მასპინძელი გუნდი შესვენებაზე ერთბურთიანი უპირატესობით გავიდა.
მეორე ნახევარში, ბაიერნისთის სასიკეთო არაფერი მომხდარა. შეხვედრის 77-ე წუთზე უპამეკანომ საკუთარი გუნდი კიდევ ერთხელ დააღალატა - წითელი ბარათისა და თერთმეტმეტრიანის შემდეგ, ტუხელის გუნდი მოედანზე 10 კაცით დარჩა. სტოგერმა თერთმეტმეტრიანი ზუსტად შეასრულა, 3:1.
ამის შემდეგ, ბაიერნს არაერთი კარგი საგოლე მომენტი ჰქონდა, თუმცა ანგარიშის შემცირება 87-ე წუთამდე ვერ მოახერხეს. თავი ჰარი კეინმა კიდევ ერთხელ გამოიჩინა, რომელმაც სეზონში უკვე 25-ე გოლის გატანა მოახერხა და ისტორიული რეკორდიც დაამყარა. ამის მიუხედავად, სტუმრებმა შეხვედრის ბოლომდე მეტი ვერაფერი შემოგვთავაზეს.
ეს მარცხი ყველაზე მეტად ლევერკუზენს გაახარებდა, ალონსოს გუნდმა 8-ქულიანი ჰანდიკაპი შეიქმნა.
უახლოეს საათებში ბაიერნის ხელმძღვანელობა მნიშვნელოავან გადაწყვეტილებას მიიღებს, ტუხელის გუნდიდან გაშვების შანსი საკმაოდ დიდია!
