ფენერბაჰჩეს მთავარმა მწვრთნელმა, ჟოზე მოურინიომ განაცხადა, რომ მას ევროპის ერთ-ერთ ტოპ ნაკრებში მუშაობის შესაძლებლობა ორჯერ ჰქონდა. საუბარია ინგლისის ეროვნული გუნდის შესახებ, რომელსაც პორტუგალიელმა ტაქტიკოსმა უარი უთხრა. თავად სპეციალისტის თქმით, მას სანაკრებო ფეხბურთი არ ხიბლავს.
"მქონდა ნაკრებში მუშაობის შესაძლებლობა, თუმცა უარი ვთქვი. ორჯერ დამიკავშირდნენ ინგლისიდან, მაგრამ ეს საქმე არ მაინტერესებდა. ეს არ არის ის სამსახური, რომელმაც შეიძლება მიმიზიდოს. თვეში მხოლოდ 1-2 მატჩი, მოთამაშეებზე დაკვირვება სხვადასხვა თამაშებში და რაც მთავარია, დიდი ტურნირების დაწყების მოლოდინში ყოფნა.
მაქვს საკმარისი ენერგია იმისთვის, რომ საკლუბო ფეხბურთში ვიმუშავო. ნაკრები? როცა ვიქნები დაღლილი და ბებერი შეიძლება, თუმცა არა ახლა", - განაცხადა სტამბოლელთა დამრიგებელმა. შეგახსენებთ, გარეთ საუთგეიტის წასვლის შემდეგ, "3 ლომი" ჩაიაბარა ლი კარსლიმ, რომელმაც ირლანდიასთან პირველი მატჩიც მოიგო.
