ნოემბრის სანაკრებო პაუზა დასრულდა, სადაც იმ 42 ნაკრების ვინაობა გახდა ცნობილი, რომელიც 2026 წლის მუნდიალზე მონაწილეობას მიიღებს.
ჯგუფური ეტაპის დასრულების შემდეგ, ასევე ცნობილი გახდა იმ ევროპული ნაკრებების ვინაობა, რომლებიც პლეი-ოფში ითამაშებენ.
პლეი-ოფში შესარჩევი ციკლიდან მე-2 ადგილებით გავიდნენ:
პირველი კალათა: იტალია, დანია, თურქეთი, უკრაინა
მეორე კალათა: პოლონეთი, უელსი, ჩეხეთი, სლოვაკეთი
მესამე კალათა: ირლანდია, ალბანეთი, ბოსნია და ჰერცეგოვინა, კოსოვო;
მეოთხე კალათა (ერთა ლიგა): შვედეთი, რუმინეთი, ჩრდილოეთ მაკედონია, ჩრდილოეთ ირლანდია
ინფორმაციისთვის, პირველი კალათის გუნდები მეოთხე კალათის გუნდებთან დაწყვილდებიან, ხოლო მეორე კალათის გუნდები მესამე კალათის გუნდებთან.
მსოფლიო ჩემპიონატის პლეი-ოფის წილისყრა 20 ნოემბერს, თბილისის დროით 17:00 საათზე გაიმართება.
ზემოხსენებული ნაკრებები პლეი-ოფის მატჩებს 2026 წლის მარტში ითამაშებენ, სადაც გუნდები ჯერ ნახევარფინალს ჩაატარებენ, შემდეგ კი ფინალში დაუპირისპირდებიან ერთმანეთს. 16 ნაკრებიდან მუნდიალის საგზურს მხოლოდ 4 გუნდი მიიღებს.
