ლივერპულში მიმდინარე მსოფლიო ჩემპიონატზე კრივში დღეს ლაშა გურულს ნახევარფინალში უნდა ებრძოლა, თუმცა ქართველი აღნიშნულ დაპირისპირებაში მონაწილეობას ვერ მიიღებს. ლაშა გურული სპეციალურ განცხადებას ავრცელებს, რასაც უცვლელად გთავაზობთ:
"დავიწყებ მადლობით!პირველ რიგში მადლობა უფალს ყველაფრისთვის რაც ხდება ჩემს ცხოვრებაში. მადლობა ჩემს ოჯახს, მადლობა ჩემს გულშემატკივარს, რადგან წლების განმავლობაში ვხედავ და ვგრძნობ უამრავ სითბოს, დაფასებას და სიყვარულს !
რაც შეეხება მსოფლიო ჩემპიონატს, იცით რომ ნახევარფინალში ვარ,რაც იმას ნიშნავს, რომ გავინაღდე ბრინჯაოს მედალი. თუმცა სამედიცინო კვლევის,ექიმის და გუნდის გადაწყვეტილებით,მსოფლიო ჩემპიონატის ნახევარფინალურ ბრძოლაში სამწუხაროდ ვერ მივიღებ მონაწილეობას,რადგან ტრავმირებული ხელით მომიწია სამივე ბრძოლის ჩატარება ! ბუნებრივია ბრძოლიდან ბრძოლამდე იმ მდგომარეობამდე მივიდა რომ შეუძლებელი გახდა ჩემპიონატის გაგრძელება !
6 წლის განმავლობაში მსოფლიო და ევროპის ჩემპიონატებიდან, ოლიმპიური თამაშებიდან მედლის გარეშე არ დავბრუნებულვარ. ენით აუწერელი სიხარული და სიამაყეა, როდესაც კვარცხლბეკზე დგომისას ქართულ დროშას ვუყურებ, კიდევ ერთხელ ვგრძნობ რამდენად ბევრს ნიშნავს ჩვენი დროშა და ჩვენი სამშობლო.თუმცა, ამჯერად მიზანშეწონილია გავიარო სრული რეაბილიტაცია, რადგან დაგიბრუნდეთ ბევრად ძლიერი წინ დიდი გზა გვაქვს.პროფესსიონალური კარიერა და მომავალი ოლიმპიური თამაშები 2028 !"- წერს სოციალურ ქსელში ლასა გურული.
შეგახსენებთ,65 კგ. წონით კატეგორიაში მოასპარეზე ქართველმა მსოფლიო ჩემპიონატზე მეოთხედფინალში ინდოელი აბჰინაშ ჯამვალი დაამარცხა და ნახევარფინალში გასვლასთან ერთად ბრინჯაოს მედალი გარანტირებულად დაისაკუთრა.
შეგახსენებთ, ლაშა გურული ასპარეზობაში 1/16 ფინალიდან ჩაერთო, სადაც საუდის არაბეთის წარმომადგენელ მუსა ალ ჰავსავს სძლია, მერვედფინალში კი ირლანდიელი დინ ქლენსი დაამარცხა.
ლაშა გურულმა 2025 წლის მფოფლიოს ჩემპიონატზე ბრინჯაოს მედალი მოიპოვა და ეს უკვე მესამე მედალია აღნიშნულ ტურნირზე. ლაშას მსოფლიოს ჩემპიონატებზე აქამდე ბრინჯაოს 2 მედალი ჰქონდა.
