2026 წლის მსოფლიო ჩემპიონატის შესარჩევი ეტაპის მე-3 ტურში, საქართველოს ეროვნული ნაკრები ესპანეთს ესტუმრა და 2-0 დამარცხდა.
შეხვედრის ანგარიში მასპინძლებმა პირველი ტაიმის შუაში გახსნეს — 24-ე წუთზე თავი პინომ გამოიჩინა. 64-ე წუთზე, საქართველოს კარი საჯარიმო დარტყმით ოიარზაბალმა აიღო და საბოლოო ანგარიში, 2-0 დააფიქსირა.
ესპანეთი 2-0 საქართველო
გოლები: 1-0 პინო (24'), 2-0 ოიარზაბალი (64')
E ჯგუფის მეორე მატჩში, ბულგარეთმა თურქეთი მიიღო და უშანსოდ, 1-5 განადგურდა. 3 ტურის შემდეგ კი ჯგუფს უდანაკარგოდ ესპანეთი ლიდერობს, თურქეთი 6 ქულით მეორე ადგილს იკავებს, ხოლო საქართველო 3 ქულით მესამე პოზიციაზეა.
მომდევნო მატჩს საქართველოს ეროვნული ნაკრები 14 ოქტომბერს, თურქეთის ეროვნული ნაკრების წინააღმდეგ ჩაატარებს — შეხვედრა თბილისის დროით 22 საათსა და 45 წუთზე დაიწყება.
