2025 წლის ფიფას მსოფლიო საკლუბო ჩემპიონატზე 1/8 ფინალური მატჩები დასრულდა და 8 საუკეთესო კლუბი ჩემპიონობისთვის ბრძოლას აგრძელებს.
ხვიჩა კვარაცხელიას პარი სენ ჟერმენმა 1/8 ფინალში ლიონელ მესის ინტერ მაიამი მარტივად, 4-0 დაამარცხა და შემდეგი ეტაპის საგზური მოიპოვა, სადაც მიუნხენის ბაიერნს დაუპირისპირდება. გერმანული ბარიერის გადალახვის შემთხვევაში კი რეალს და დორტმუნდს შორის გამარჯვებულს შეხვდება.
ბადის მეორე მხარეს აშკარა ფავორიტი ლონდონის ჩელსია — არისტოკრატები 1/4 ფინალში პალმეირასს დაუპირისპირდებიან, ხოლო 1/2 ფინალში გასვლის შემთხვევაში მათი მეტოქე ფლუმინესეს და ალ ჰილალს შორის უძლიერესი იქნება.
მსოფლიო საკლუბო ჩემპიონატი, 1/4 ფინალური წყვილები
| წყვილი | თარიღი |
| ფლუმინესე V ალ ჰილალი | 4 ივლისი, 23:00 |
| პალმეირასი V ჩელსი | 5 ივლისი, 05:00 |
| პსჟ V ბაიერნი | 5 ივლისი, 20:00 |
| რეალი V დორტმუნდი | 6 ივლისი, 00:00 |
