პრემიერ ლიგის გასულ ტურში ლივერპული კვლავ დამარცხდა, მიმდინარე სეზონში ჯამში უკვე მეექვსედ. მოქმედმა ჩემპიონებმა მერსისაიდელებმა ამჯერად შინ ნოტინგემ ფორესტთან წააგეს. შედეგად: 18 ქულა, მე-11 პოზიცია და 11-ქულიანი ჩამორჩენა ლიდერ ლონდონის არსენალთან.
Opta-მ განაახლა პრემიერ ლიგის საჩემპიონო რეიტინგი და "წითლების" პირველ ადგილზე გასვლის პროცენტული მაჩვენებელი ამჯერად უკვე მიზერულია. ენფილდის ბინადრების ჩემპიონობა ფასდება 2.42%-ით, ევროპის მთავარ საკლუბო ტურნირზე მოხვედრა კი 44.23%-ით.
ეს ყველაფერი იმის გათვალისწინებით, რომ სეზონის სტარტზე, პრემიერ ლიგის მთავარ ფავორიტად სწორედ არნე სლოტის გუნდი მოიაზრებოდა. ლივერპულის ჩემპიონობა ფასდებოდა 28.5%-ით, მაგრამ როგორც ვხედავთ, ანალიტიკური სააგენტოს წინასწარი პროგნოზი ჯერჯერობით ვერ მართლდება.
