ლუკმენს საშინელი რეკორდი აქვს ვარჯიშებზეც კი...ის ძალიან ცოტას იტანს. რეტეგი და დე კეტელარე იყვნენ მოედანზე, თუმცა მან თავად გადაწყვიტა ბურთის აღება და 11-მეტრიანის შესრულება. ეს იყო ძალიან დიდი შეცდომა. ადემოლას ეს საქციელი ჩემთვის მიუღებელია", - განაცხადა ბერგამოს ატალანტას სპეციალისტმა.
ნიგერიელი თავდამსხმელის პასუხმა არ დააყოვნა - "ვწუხვარ იმაზე, რომ ასეთ დღეს ამ განცხადების გაკეთება მიწევს. მითუმეტეს, იმის გათვალისწინებით, რაც ჩვენ ერთად შევძელით როგორც გუნდი და როგორც ქალაქი. ის ფაქტი, რომ ასე გამოკვეთილად მომექცნენ, არა მხოლოდ მტკივნეულია, არამედ ღრმა უპატივცემულობაც, განსაკუთრებით იმ უდიდესი შრომისა და თავდადების ფონზე, რომელსაც ყოველდღიურად ვიჩენდი, რათა ეს კლუბი და ბერგამოს წარმოუდგენელი გულშემატკივრები წარმატებას მიეღწიათ.
მატჩის დროს მთავარმა პენალტისტმა მე დამავალა პენალტის შესრულება და გუნდის მხარდასაჭერად პასუხისმგებლობა საკუთარ თავზე ავიღე. ცხოვრება გამოწვევებთან არის დაკავშირებული და ტკივილის ძალად გადაქცევას ნიშნავს – სწორედ ეს გავაკეთე", - დაწერა ბერგამასკთა ფორვარდმა სოციალურ ქსელში. შეგახსენებთ, რომ იტალიურ კლუბმა ბრიუგესთან ორი მატჩის ჯამში 2:5 წააგო.
