ლონდონის ჩელსის მთავარმა მწვრთნელმა, ენცო მარესკამ დაასახელა გუნდი და დამრიგებელი, რომელმაც ის თავის ამჟამინდელ საქმიანობაზე შთააგონა. იტალიელი სპეციალისტისთვის ასეთი გუნდი პეპ გუარდიოლას 2008-2012 წლების ბარსელონა არის.
"მწვრთნელობაზე გუარდიოლას ბარსელონამ შთამაგონა. ვფიქრობ, მათ ვერავინ შეედრება, რადგან მათი დამსახურებით ფეხბურთი შეიცვალა. პრიმერა დივიზიონში ყველა ბაძავდა კატალონიელებს, პეპის გერმანიაში გადასვლის შემდეგ კი მისი იდეები უკვე იქ გადაიტანეს.
ვფიქრობ, იგივე ხდება პრემიერ ლიგასა და ინგლისის ნაკრებში. ესპანელ მწვრთნელს ვერავინ შეედრება, ის არის ფეხბურთის უკანასკნელი 20-25 წლის სახე. დაუჯერებელია, თუ რა მწვერვალებს მიაღწია "ბლაუგრანამ" თავის იმდროინდელ დამრიგებელთან ერთად."
