ევრობასკეტისთვის მზადება გრძელდება. საქართველოს კალათბურთელთა ეროვნულმა ნაკრებმა პოლონეთში გადაინაცვლა და ქალაქ სოსნოვიეცში პირველი ვარჯიში გამართა. ევროპის ჩემპიონატამდე საქართველოს ნაკრები სპარინგ მატჩებს ატარებს, აქამდე ქართველმა კალათბურთელებმა 3 ამახანაგური შეხვედრა ჩაატარეს, ისრაელთან, ესტონეთთან და ლიეტუვასთან, 14 აგვისტოს კი ჩვენი გუნდი პოლონეთს ეთამაშება.
ჩვენი გუნდი კატოვიცესა და სოსნოვიეცს შორის მდებარე პატარა ქალაქ დაბროვა გორნიცაში ცხოვრობს.
ალეკსანდარ ჯიკიჩმა 12 აგვსტოს საქართველოს ნაკრების კალათბურთელები დატვირთულად ავარჯიშა. საწვრთნელი პროცესი 3 საათი გაგრძელდა. ვარჯიშში მონაწილეობა პოლონეთში მყოფმა 15-ივე კალათბურთელმა მიიღო.
14 აგვისტოს საქართველოს ნაკრებს ვერ დაეხმარება თორნიკე შენგელია. საქართველოს ნაკრების კაპიტანი პირადი მიზეზით ესპანეთში იმყოფება და წინასწარი ინფორმაციით, ნაკრებს ჩეხეთში შეუერთდება.
საქართველოსა და პოლონეთის მატჩი 14 აგვისტოს, თბილისის დროით 20:00 საათზე დაიწყება.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში გაიმართება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით შეიკრიბება და 4 საუკეთესოს გამოავლენს. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონი გამოვლინდება.
საქართველოს ნაკრები კვიპროსში, მასპინძელ ნაკრებთან, იტალიასთან, ბოსნია და ჰერცეგოვინასთან, ესპანეთთან და საბერძნეთთან ერთად იასპარეზებს. ევრობასკ
