საქართელოს მორაგბეთა ეროვნული ნაკრები მორიგი ტესტ-მატჩისთვის მზადებას აგრძელებს. ბორჯღალოსნები ხვალ ქუთაისში, „აია არენაზე“ ივარჯიშებენ.
15 ნოემბერს საქართველოს მორაგბეთა ეროვნული ნაკრები ბათუმში კანადას ეთამაშება. მთავარი მწვრთნელის, რიჩარდ ქოქრილის გადაწყვეტილებით, შემოდგომის ტესტების შეკრებას 4 მორაგბე, გიორგი მამაიაშვილი, თორნიკე ჯალაღონია, გიორგი ჯავახია და ნიკა სუთიძე შეუერთდნენ.
შეგახსენებთ, ნოემბრის პირველ ტესტ-მატჩში ბორჯღალოსნებმა აშშ-ის ნაკრებს ბათუმში უმასპინძლეს და 43-30 მოიგეს.
კანადასთან მატჩი 15 ნოემბერს 16:00 საათზე დაიწყება, ამავე დროს აიღებს სტარტს საქართველოსა და იაპონიის მატჩი 22 ნოემბერს. შეხვედრა თბილისში მიხეილ მესხის სახელობის სტადიონზე გაიმართება.
ბორჯრალოსნების მთავარიმიზანი ნოემბრის ტესტების დასრულების შემდეგ მსოფლიო რაგბის რეიტინგში საუკეთესო 12 გუნდს შორის მოხვედრაა,რაც 2027 წლის ავსტრალიის მსოფლიო თასის ჯგუფური ეტაპის კენჭისყრის წინ ადგილს მეორე კალათაში დაგვიბევებს.
კენჭისყრა 3 დეკემბერს გაიმართება და პირველ კალათაში იმ მომენტისთვის 6 მოწინავე მოხვდება, მე-7-მე-12 ადგილზე მყოფი გუნდები მეორე კალათაში განითესებიან და შესაბამისად, ავსტრალიაში ერთ ჯგუფში აღარ იქნებიან. მესამე და მეოთხე კალათაში მე-13 - მე-18 და მე-19 - 24-ე ადგილოსნები მოხვდებიან. სწორედ ამიტომაა მნიშვნელოვანი ნოემბრის სამივე თამაშის მოგება, საიდანაც ერთი უკვე ჩვენს სასარგებლოდ დასრულდა. ამ დროისთვის მომენტისთვის საქართველო რეიტინგში მე-11 ადგილს იკავებს.
ფოტო: საქართველოს რაგბის კავშირი
