ჩემპიონთა ლიგის ფაზის ნახევარი, ანუ ოთხი ტური მიილია. ამ მომენტისთვის რჩება სამი გუნდი, რომელსაც ქულა არ დაუკარგავს - მიუნხენის ბაიერნი, მილანის ინტერი და ლონდონის არსენალი. შემდეგ მოდის მანჩესტერ სიტი, რომელიც ასევე წაუგებელია, მაგრამ 3 მოგებითა და 1 ფრით.
როგორც ვიცით, მერვედფინალში გასასვლელად და იქამდე პლეიინის სათამაშოდ გადის საუკეთესო 24 გუნდი და ჯერჯერობით 24-ეულს მიღმა არიან ისეთი კლუბები, როგორებიც არიან ტურინის იუვენტუსი და ვილიარეალი. გამოკვეთილი აუტსაიდერი კი ამ მომენტისთვის არის ორი: ამსტერდამის აიაქსი და ლისაბონის ბენფიკა, 0-0 ქულით.
საინტერესოდ მიმდინარეობს ბომბარდირთა რბოლაც, რომელშიც "ებრაელთა" კარში შესრულებული ჰეთ-თრიქის შემდეგ, ექვსი გოლით ვიქტორ ოსიმენი გალიდერდა. შემდეგ, 5-5 ბურთით მოდის ჰარი კეინის, კილიან მბაპესა და ერლინგ ჰოლანდის ტრიო.
ჩემპიონთა ლიგის ბომბარდირთა რბოლა
| ვიქტორ ოსიმენი | 6 გოლი | გალათასარაი |
| ჰარი კეინი | 5 გოლი | ბაიერნი |
| კილიან მბაპე | 5 გოლი | რეალი |
| ერლინგ ჰოლანდი | 5 გოლი | მანჩესტერ სიტი |
| მარკუს რაშფორდი | 4 გოლი | ბარსელონა |
| ლაუტარო მარტინესი | 4 გოლი | ინტერი |
| ენტონი გორდონი | 4 გოლი | ნიუკასლი |
