მანჩესტერ იუნაიტედის ლეგენდარულმა თავდამსხმელმა, ერიკ კანტონამ თავისი ყველაზე ნიჭიერი თანაგუნდელი დაასახელა. ვეტერანი ფეხბურთელისთვის ასეთი არის დევიდ ბექჰემი, რომელთანაც ის "წითელი ეშმაკების" შემადგენლობაში 1990-იანების შუა პერიოდში თამაშობდა.
"ყველაზე ნიჭიერი ფეხბურთელი, რომლის გვერდითაც მითამაშია? ბექჰემი. ის იყო ნამდვილი მხატვარი მოედანზე. მას შეეძლო გოლის გატანა ნებისმიერი მანძილიდან და როგორც მოუნდებოდა ისე. მახსოვს დევიდის დებიუტი, უსაზღვრო პოტენციალი მას თავიდანვე ეტყობოდა"
ფრანგმა თავდამსხმელმა და ინგლისელმა ნახევარმცველმა ერთად სერ ალექს ფერგიუსონის გუნდში 77-ჯერ ითამაშეს. ერთობლივი ძალებით მოგებული იქნა პრემიერ ლიგის 2 ტიტული და კიდევ რამდენიმე თასი.
