2023 წლის ოქტომბრიდან მოყოლებული, დე ლაურენტისი კონტესთან მოლაპარაკებებს აწარმოებს, თუმცა ამ დრომდე შეთანხმებას ვერ ახერხებდა. სიტუაცია მას შემდეგ შეიცვალა, რაც ნაპოლის პრეზიდენტმა, 54 წლის სპეციალისტს საკმაოდ სოლიდური კონტრაქტი შესთავაზა. საუბარია 2-წლიან ხელშეკრულებაზე და €8 მილიონიან ხელფასზე. კონტრაქტში ასევე იქნება ბონუსების პუნქტიც, რის მიხედვითაც, კონტეს წლიური ხელფასი შეიძლება €10 მილიონსაც კი გადასცდეს.
დე ლაურენტისის სიაში ჯან პიერო გასპერინი და სტეფანო პიოლი კვლავ რჩებიან, მაგრამ ნაპოლიში სჯერათ, რომ კონტესთან საბოლოო შეთანხმება უახლოეს საათებში შედგება.
