იტალიის სერია ა-ს მე-18 ტურში, მოქმედი ჩემპიონი, ნაპოლი რომში ლაციოს ესტუმრა და მეტოქე 2-0 დაამარცხა.
ორივე გოლი მატჩის პირველივე ტაიმში გავიდა — მე-13 წუთზე ანგარიში სპინაცოლამ გახსნა, ხოლო 32-ე წუთზე რაჰმანიმ სხვაობა ორამდე გაზარდა. აღსანიშნავია, რომ ორივე გოლის ასისტი პოლიტანომ მიითვალა.
ლაციო 0-2 ნაპოლი
გოლები: 0-1 სპინაცოლა (13'), 0-2 რაჰმანი (32')
აღნიშნული გამარჯვების შემდეგ, ნაპოლის 37 ქულა მოუგროვდა, მეორე ადგილს იკავებს და ლიდერს, მილანს 1 ქულით ჩამორჩება. მომდევნო ტურში ანტონიო კონტეს გუნდი ვერონას უმასპინძლებს.
