ვერონას დანახვისას, კვარაცხელიას თვალები ანათებს. მისი ჯადოსნური დარტყმა არა მხოლოდ კონკრეტული მატჩის გამარჯვების გოლი იყო, არამედ - ნაპოლისთვის მთლიანი სეზონის გარდამტეხი მომენტი. აღებული 3 ქულა გუნდს მთავარი მიზნის მიღწევაში დაეხმარება.
როგორც ჩანს, მაცარიმ ნაპოლის თავიდანვე შეტევითი თამაში მოსთხოვა და ეს კარგად ჩანდა. კვარაცხელიას წინააღმდეგ პენალტი არ დანიშნეს. ქართველის ორი დარტყმის მიუხედავად, ვერონას მეკარე მოწოდების სიმაღლეზე იყო. მომენტი ჯოვანი სიმეონემაც ვერ გამოიყენა. გუნდის 4-3-3-ზე გადაწყობის შედეგად, ნეაპოლელები ცენტრიდან დიდ ზეწოლას ახდენდნენ მეტოქეზე.
ვერონას მეორე ტაიმის სტარტზე რეალური მომენტები ჰქონდა, მაგრამ გოლინი ადგილზე იყო. რამდენიმე სახიფათო შეტევის შემდეგ, ნაპოლი თავის ადგილს დაუბრუნდა და კვლავ მოიპოვა უპირატესობა.
72-ე წუთზე ვერონა ანგარიშს ხსნის, მაგრამ ნაპოლი მალევე ათანაბრებს. თითქოს, თამაში ასე სრულდება, მაგრამ ხვიჩა კვარაცხელიას ნაპოლი ჯოჯოხეთიდან გამოჰყავს. აუღებელი დარტყმა ზედა კუთხეში, მთელი მარადონა აგუგუნდა. ნაპოლიმ მძიმე ბრძოლაში 3 ქულა მოიპოვა. ეს იყო რთული, მაგრამ იმედისმომცემი გამარჯვება.
Vincenzo D'Angelo
RCS Mediagroup SpA
