იტალიის მოქმედი ჩემპიონი ნაპოლი ახალი სეზონისთვის მზადებას განაგრძნობს და გუნდმა კიდევ ორი ამხანაგური მატჩი გამართა.
გუშინ, ანტონიო კონტეს გუნდი საფრანგეთის წარმომადგენელ ბრესტს დაუპირისპირდა და 1:2 დამარცხდა.
დღეს კი მათ სერია C-ს წარმომადგენელ კასერტანასთან ფრედ 1:1 ითამაშეს. ნაპოლის მხრიდან ერთადერთი გოლი მატეო პოლიტანომ გაიტანა.
კლუბში აცხადებენ, რომ ეს სატესტო თამაშებია და შედეგს დიდ მნიშვნელობას არ ანიჭებენ, თუმცა ფაქტია, ამ მოსამზადებელ ეტაპზე მხოლოდ ერთი მატჩი მოიგეს.
შემდეგ შეხვედრას ნაპოლი 9 აგვისტოს, ხირონას წინააღმდეგ გამართავს. სერია ა-ს პირველ ტურში კი 23 აგვისტოს სასუოლოს დაუპირისპირდება.
