NBA-ის პლეიოფის 1/2 ფინალური ეტაპის სერიის მესამე მატჩი გაიმართა გეინბრიჯ არენაზე, სადაც ჯო მაზულას გუნდმა მომდევნო ეტაპზე გასვლა თითქმის გაინაღდა. ბოსტონმა მესამე მატჩშიც დაამარცხა ინდიანა პეისერსი და სერიაში უპირატესობა სამამდე გაზარდა. მაყურებელმა საკმაოდ სანახაობრივი მატჩი იხილა, სადაც ბოსტონმა დამსახურებული გამარჯვება მოიპოვა, 111:114.
მატჩის MVP ჯეისონ ტატუმი გახდა. 26 წლის კალათბურთელმა 36 ქულა ჩააგდო, 10 მოხსნა შეასრულა და 8 პასითაც გამოირჩა. ინდიანადან საუკეთესო ენდრიუ ნემბჰარდი იყო, რომელმაც საკუთარ გუნდს 32 ქულა მოუპოვა.
სერიის მეოთხე შეხვედრას კვლავ ინდიანაპოლისი უმასპინძლებს. მატჩი 28 მაისს, თბილისის დროით 04:00 საათზე დაიწყება.
