ოკლაჰომა სითი თანდერი დასავლეთ კონფერენციის გამარჯვებული გახდა! სერიის მეხუთე მატჩში მარკ დაგნოს გუნდმა მინესოტა ტიმბერვულვზი საკმაოდ მარტივად, 124:94 დაამარცხა და ფინალში სრულიად დამსახურებულად გავიდა. ოკლაჰომამ სერია საბოლოო ჯამში 4-1 მოიგო.
მატჩის MVP კვლავ შეი გილჯეს-ალექსანდერი გახდა. კანადელმა 34 ქულა ჩააგდო, 7 მოხსნა შეასრულა და 8 შედეგიანი პასითაც მოამარაგა გუნდელები. მინესოტადან საუკეთესო ჯულიოს რენდლი იყო, რომელმაც საკუთარ გუნდს 24 ქულა მოუპოვა, რასაც 5 შედეგიანი მოხსნა და 3 პასიც დაუმატა.
ოკლაჰომას მეტოქე შეიძლება დღეს ღამით გაირკვეს. მაყურებელს წინ ნიუ იორკ ნიქსისა და ინდიანა პეისერსის დაპირისპირება ელოდება. შეგახსენებთ, ინდიანა სერიაში 3-1 იგებს.
მატჩის მიმოხილვა
