NBA-ის პლეიოფის 1/2 ფინალური ეტაპის მეორე მატჩი გაიმართა მედისონ სქვერ გარდენში. მაყურებელმა ნიუ იორკ ნიქსისა და ინდიანა პეისერსის კიდევ ერთი დაპირისპირება იხილა. პირველი მატჩის მსგავსად, დაძაბული ბრძოლა გაიმართა ამ შეხვედრაშიც, სადაც გამარჯვება კვლავ სტუმარ გუნდს დარჩა. ტაბლოზე საბოლოო ანგარიში 109:114 დაფიქსირდა, რაც იმას ნიშნავს, რომ ინდიანა პეისერსმა სერიაში უპირატესობა ორამდე გაზარდა.
მატჩის MVP პასკალ სიაკამი გახდა, რომელმაც 39 ქულა ჩააგდო, 5 მოხსნა შეასრულა და 3 შედეგიანი პასითაც მოამარაგა გუნდელები. ნიქსიდან საუკეთესო ჯალენ ბრანსონი იყო, რომელმაც საკუთარ გუნდს 36 ქულა მოუპოვა, რასაც 3 შედეგიანი მოხსნა და 11 პასიც დაუმატა.
სერიის მესამე შეხვედრას უკვე ინდიანა უმასპინძლებს. მატჩი 26 მაისს, თბილისის დროით 04:00 საათზე გაიმართება.
მატჩის მიმოხილვა
