კონფერენს ლიგის საკვალიფიკაციო ეტაპზე ქუთაისის ტორპედო სტუმრად ორდაბასს დაუპირისპირდა და მინიმალური ანგარიშით 1:0 დამარცხდა.
მატჩის შემდეგ კომენტარი ტორპედოს მთავარმა მწვრთნელმა დირკ შუსტერმა გააკეთა.
"პირველი ტაიმი ცუდად ჩავატარეთ და გოლიც გავუშვით. ვფიქრობ, ნერვიულობის ფაქტორი იყო. მეორე ნახევარში თამაში გამოვასწორეთ და ასე თუ ისე, მომენტებიც გვქონდა.
განმეორებით მატჩს ისეთი ანგარიშით ვხვდებით, რომ რეალური შანსი გვაქვს, მეტოქე დავამარცხოთ და შემდეგ ეტაპზე გავიდეთ. ჩემს გუნდს ეს შეუძლია.
დიდი მადლობა ქუთაისიდან ჩამოსულ გულშემატკივარს. მათ მხარდაჭერას ვგრძნობდით და ასე იქნება ქუთაისშიც", - განაცხადა შუსტერმა.
