არნემის ვიტესს პროფესიონალური კლუბის ლიცენზია შეუჩერდა. სამწუხაროა, იმის გათვალისწინებით, თუ როგორი მნიშვნელოვნები იყვნენ "არწივები" ნიდერლანდური ფეხბურთისთვის. ეს კლუბი ბრწყინავდა მე-20 საუკუნის დასაწყისში, ასევე 70-იანებში. გასულ დეკადაში გელრედომის ბინადრებმა კიდევ ერთხელ შეახსენეს თავი საფეხბურთო სამყაროს და 2017 წელს ქვეყნის თასი მოიგეს.
ასევე გასულ ათწლეულში ვიტესი გახდა ქართველი გულშემატკივრებისთვის განსაკუთრებით "შინაური", როდესაც ამ გუნდში გამოჩდნენ გურამ კაშია, ვაკო ყაზაიშვილი, გიორგი ჭანტურია, კლუბის პრეზიდენტად კი მერაბ ჟორდანია მოგვევლინა. არნემში ბოლო მომენტამდე თამაშობდა ირაკლი იეგოიანიც, მაგრამ ლიცენზიის შეჩერების შემდეგ, ის როტერდამის ექსელსიორს შეუერთდა.
"არწივების" ისტორიაში განსაკუთრებული ადგილი უჭირავს საქართველოს ნაკრების კაპიტანს, რომელმაც ამ გუნდში 290-ზე მეტი მატჩი ჩაატარა. ასევე გამოსარჩევია ლონდონის ჩელსისა და გელრედომის ბინადრების თანამშრომლობა, რომლის დამსახურებით ერედივიზიის კლუბში პრაქტიკა ინგლისური კლუბის არაერთმა ახალგაზრდა მოთამაშემ მიიღო.
ამ ყველაფერთან ერთად, გავიხსენოთ ის გამორჩეული ფეხბურთელები, რომლებმაც კარიერის გარკვეული ნაწილი სწორედ ვიტესში გაატარეს. ვიღაცისთვის არნემი გამოდგა ტრამპლინი, ვიღაცამ კი აქ საუკეთესო პერიოდი გაატარა. შერჩეული 10 მოთამაშე კარგად აღწერს, თუ რას წარმოადგენდნენ "არწივები" ერედივიზიისთვის.
10 ფეხბურთელი, რომელმაც განსაკუთრებული კვალი დატოვა ვიტესში ან ვიტესის შემდეგ
| ფეხბურთელი | შედეგი | წლები | შემდეგი გუნდი |
| ფილიპ კოკუ | 153 მატჩი, 28 გოლი | 1990-1995 | პსვ |
| პიერ ვან ჰოიდონკი | 36 მატჩი, 28 გოლი | 1999-2000 | ბენფიკა |
| გურამ კაშია | 292 მატჩი, 24 გოლი | 2010-2018 | სან ხოსე |
| როი მაკაი | 114 მატჩი, 45 გოლი | 1993-1997 | ტენერიფე |
| ნემანია მატიჩი | 29 მატჩი, 2 გოლი | 2010-2011 | ბენფიკა |
| მეისონ მაუნტი | 39 მატჩი, 14 გოლი | 2017-2018 | დერბი |
| მარტინ ოდეგორი | 39 მატჩი, 11 გოლი | 2018-2019 | სოსიედადი |
| ლუის ოპენდა | 88 მატჩი, 37 გოლი | 2020-2022 | ლანსი |
| ვაკო ყაზაიშვილი | 121 მატჩი, 28 გოლი | 2011-2017 | სან ხოსე |
| დომინიკ სოლანკე | 26 მატჩი, 7 გოლი | 2015-2016 | ლივერპული |
