16 აპრილიდან საქართველოს დედაქალაქი თბილისი ძიუდოში ევროპის ჩემპიონატს უმასპინძლებს. ესპანეთის ძიუდოს ფედერაციამ ნაკრების საბოლოო შემადგენლობა გამოაქვეყნა, სადაც ნიკოლოზ შერაზადიშვილი არ არის.
ქართველი ევროპირველობას ტრავმის გამო გამოტოვებს, შერაზადიშვილმა რეაბილიტაციის სრულად გავლა ვერ მოასწრო.
ესპანეთის ნაკრების შემადგენლობაში 13 ძიუდოისტი იქნება.
ნიკოლოზ შერაზადიშვილი მსოფლიოს ორგზის ჩემპიონია, ასევე ბრინჯაოს პრიზიორი, ევროპის ჩემპიონატებზე კი 3 ბრინჯაო აქვს მოპოვებული.
