როგორც მოგეხსენებათ, ლა ლიგის უკანასკნელ ტურში მადრიდის ატლეტიკომ დაამარცხა ვალენსია, ანგარიშით 2:0. შეხვედრის დასრულების შემდეგ, გიორგი მამარდაშვილმა სოციალურ ქსელში გამოაქვეყნა იან ობლაკთან ერთად გადაღებული ფოტო, რომელიც საკუთარ გვერდზე მოგვიანებით თავად სლოვენიელმაც გადაიტანა.
"ასე გააგრძელე გიო, წარმატებები!", - დაუწერა "რიხობლანკოს" მეკარემ თავის ქართველ ვიზავის. აღსანიშნავია, რომ ორი გოლის გაშვების მიუხედავად, "ღამურების" კარის დარაჯი მოედანზე ერთ-ერთი საუკეთესო იყო. "ინდიელებთან" მატჩში 23-წლის კიპერმა განახორციელა 7 სეივი, Sofascore-მა კი მას დაუწერა 7.8 ქულა, ყველაზე მეტი თავის გუნდში.
შეგახსენებთ, რომ მამარდაშვილი მესტალიაზე გამოდის 2021 წლიდან და იმის შემდეგ, ყველა ტურნირზე ერთად მან საერთო ჯამში უკვე 152 მატჩის ჩატარება მოასწრო. რაც შეეხება მისი გუნდის ამჟამინდელ სატურნირო მდგომარეობას, 22 ტურის შემდეგ, რუბენ ბარახას კოლექტივი 32 ქულით მე-8 პოზიციაზე არის.
