ოფიციალურად ინტერი Oaktree-ს მფლობელობაში გადავიდა! ამერიკული ფონდმა ოფიციალური განცხადება უკვე გაავრცელა, რის მიხედვითაც ვარკვევთ, რომ "ნერაძური" სტივენ ჟანგის მფლობელობაში აღარ არის.
"როგორც ახალი მფლობელები, ჩვენ ვაანალიზებთ თუ რამხელა პასუხისმგებლობაა ისეთი დიდი კლუბის მართვა, როგორიც ინტერია. ჩვენ ერთგულად გავაგრძელებთ ნერაძურის გრძელვადიან პროექტს და ყველაფერს გავაკეთებთ წარმატების მისაღწევად. გვჯერა, რომ ჩვენი ამბიციები კლუბს მომდევნო ეტაპზე გადაყვანაში დაეხმარება. ჩვენი მიზანი და სურვილია ინტერი როგორც იტალიაში, ისე ევროპის მასშტაბითაც საუკეთესოთა შორის იყოს", - ვკითხულობთ ამერიკული ფონდის მიერ გავრცელებულ ოფიციალურ განცხადებაში.
"ნერაძური" ამერიკული ფონდის ხელში მას შემდეგ გადავიდა, რაც სტივენ ჟანგმა €368 მილიონიანი ვალის დაფარვა ვერ მოახერხა. მხარეები კი სესხის გახანგრძლივებაზე ვერ შეთანხმდნენ.
