ოფიციალურად — კრისტიან კივუ ინტერის მთავარი მწვრთნელია! რუმინელმა სპეციალისტმა კლუბთან 2-წლიანი ხელშეკრულება უკვე გააფორმა. მას შემდეგ, რაც კომომ სესკ ფაბრეგასის თაობაზე ყველა შემოთავაზება დაბლოკა, "ნერაძურიმ" კრისტიან კივუსთან მოლაპარაკებები დაჩქარებული წესით დაიწყო და გარიგებაც საკმაოდ მალე დაიხურა.
კრისტიან კივუ ინტერში 2007-2014 წლებში თამაშობდა, ხოლო 2018 წლიდან 2024 წლამდე "ნერაძურის" ასაკობრივ გუნდებს წვრთნიდა. რუმინელი ბოლოს პარმაში მუშაობდა - კივუს ხელმძღვანელობით "ჯალობლუმ" 13 მატჩი ჩაატარა, საიდანაც 3 მოიგო, 7 ფრედ დაასრულა და 3-ჯერ დამარცხდა.
რუმინელი სპეციალისტის პირველი დიდი გამოცდა მსოფლიოს საკლუბო ჩემპიონატზე იქნება, სადაც ინტერიც იასპარეზებს.
