ოფიციალურად: მაიკლ კერიკი მანჩესტერ იუნაიტედში დაბრუნდა! 44 წლის ინგლისელმა სპეციალისტმა "წითელ ეშმაკებთან" კონტრაქტი სეზონის ბოლომდე გააფორმა და გუნდის ახალი დროებითი მთავარი მწვრთნელი გახდა.
მას შემდეგ, რაც რუბენ ამორიმმა მანჩესტერ იუნაიტედი დატოვა, კლუბში რამდენიმე კანდიდატურას განიხილავდნენ — მათ შორის სიაში იყო ოლე გუნარ სულშერიც, თუმცა, ბოლო გასაუბრების შემდეგ საბოლოო არჩევანი მაინც მაიკლ კერიკზე გაკეთდა.
შეგახსენებთ, მაიკლ კერიკი მანჩესტერ იუნაიტედის დროებითი მთავარი მწვრთნელი 2021 წელსაც იყო, რა დროშიც გუნდს 3 მატჩში უხელმძღვანელა, საიდანაც მანჩესტერ იუნაიტედმა 2 მოიგო, ხოლო ერთი ფრედ დაასრულა.
