LaGazzetta.ge-ს ინფორმაციით,ოფიციალურად, ლეგენდარული ქართველი მოჭადრაკე ნონა გაფრინდაშვილი გინესის მსოფლიო რეკორდსმენი გახდა. რეკორდის დამადასტურებელი სერტიფიკატი საქართველოში გამოგზავნილია და რამდენიმე დღეში ლეგედარულ მოჭადრაკეს ოფიციალურად გადაეცემა.
“ჭადრაკის დედოფალს” გინესის რეკორდსმენის ტიტული 1978 წელს უნიკალური მიღწევისთვის მიენიჭა. ნონა გაფრინდაშვილი პირველი ქალი მოჭადრაკეა, რომელსაც მიენიჭა დიდოსტატის წოდება მამაკაცთა შორის.
შეგახსენებთ, ნონა გაფრინდაშვილი ხუთგზის მსოფლიო ჩემპიონია ჭადრაკში, ტიტული 1962 წელს მოიპოვა და 16 წლის განმავლობაში ინარჩუნებდა. საჭადრაკო ოლიმპიადები თერთმეტჯერ აქვს მოგებული, 1978 წელს გახდა კი გახდა პირველი ქალი მოჭადრაკე, რომელსაც მიენიჭა დიდოსტატის წოდება მამაკაცთა შორის.
1997 წელს ფიდემ მსოფლიო ჭადრაკის განვითარებაში შეტანილი განსაკუთრებული წვლილისათვის ნონა გაფრინდაშვილის სახელობის გარდამავალი თასი დააწესა, რომელიც გადაეცემა საჭადრაკო ოლიმპიადებზე საუკეთესო ქვეყანას მამაკაცთა და ქალთა გუნდების საუკეთესო ჯამური შედეგისთვის.
ნონა დასახელებულია საქართველოს XX საუკუნის საუკეთესო ქალ სპორტსმენად. გამორჩეული მიღწევებისთვის ჭადრაკის ქართველი დედოფალიდაჯილდოებულია საქართველოს სახელმწიფო ორდენებით, - ბრწყინვალების საპრეზიდენტო ორდენი, ღირსების ორდენი, ვახტანგ გორგასლის პირველი და მეორე ხარისხის ორდენი, თამარ მეფის ორდენი.
