მას შემდეგ, რაც ემპოლი იტალიის სერია ა-დან გავარდა, ამ გუნდის ქართველი მცველის, საბა გოგლიჩიძის წასვლის შანსები კიდევ უფრო გაიზარდა.
მოგეხსენებათ, მისი შეძენით იტალიური კლუბები ინტერესდებიან. ამას დაემატა კიდევ ერთი კლუბის ინტერესი - გოგლიჩიძის შეძენა დანიურ მიდტიულანდს სურს.
მიდტიულანდმა ემპოლის ოფიციალური შეთავაზება უკვე გაუკეთა და მზად არიან, 4 მილიონი ევრო გადაიხადონ, თუმცა ჯერჯერობით, ემპოლი 4 მილიონს არ თანხმდება და მეტი სურს.
აღსანიშნავია, რომ მიდტიულანდი დანიის ჩემპიონატის მოქმედი გამარჯვებულია და ახალი სეზონიდან ჩემპიონთა ლიგაზე იასპარეზებს.
