საფრანგეთი 1:0 არგენტინა - მეოთხედფინალის ცენტრალური შეხვედრა და ბევრისთვის ნაადრევი ფინალიც. ჟან მატეტას გოლით გამარჯვებული საფრანგეთი გამოვიდა. მატჩის ბოლოსკენ არგენტინას გაუტანა მაიკლ ოლისემაც, მაგრამ მოგვიანებით, ეს ბურთი გაუქმდა.
იაპონია 0:3 ესპანეთი - ტურნირის ერთ-ერთმა მთავარმა ფავორიტმა, ესპანეთმა იაპონია გაანადგურა. ფერმინ ლოპესის დუბლს შეხვედრის მიწურულისკენ აბელ რუისმა ერთი ბურთიც მიამატა და "სამურაები" უშანსოდ დატოვა.
მაროკო 4:0 აშშ - განვლილი მსოფლიო ჩემპიონატის შემდეგ, მაროკომ ოლიმპიურ თამაშებზეც გაგვაოცა. ჯგუფური ეტაპის არგენტინაზე მაღლა დასრულების შემდეგ, "ლომებმა" 1/4 ფინალში ამერიკა გაანადგურეს.
ეგვიპტე 1:1 (პენ. 5:4) პარაგვაი - მეოთხედფინალის ყველაზე დრამატული შეხვედრა, რომლის გამარჯვებული თერთმეტმეტრიანების სერიაში გაირკვა. აღსანიშნავია ის ფაქტი, რომ ეგვიპტემ თამაშში დაბრუნება 88-ე წუთზე მოახერხა. 11-მეტრიანებში იღბალმა ზურგი აქცია პარაგვაის, უფრო კონკრეტულად კი მარსელო პერესს.
1/2 ფინალური წყვილები (5 აგვისტო)
მაროკო-ესპანეთი (20:00 საათი);
ეგვიპტე-საფრანგეთი (23:00 საათი);
