მადრიდის ატლეტიკოს ყოფილმა თავდამსხმელმა, რადამელ ფალკაომ თავისი განვლილი საფეხბურთო გზის შესახებ ისაუბრა. ვეტერანმა კოლუმბიელმა ფორვარდმა აღნიშნა, მისი კარიერა შესაძლოა ყოფილიყო უფრო შთამბეჭდავი, რომ არა 2 პიროვნება: ლიონელ მესი და კრიშტიანუ რონალდუ.
"ვოცნებობდი ოქროს ბურთზე, თუმცა მე მაჯობეს ისეთმა ფეხბურთელებმა, ვისთან ჩამორჩენაც სასირცხვილო არ არის. მესისა და რონალდუს ვგულისხმობ. ვთამაშობდი ატლეტიკოში, თან იმ პერიოდში, როცა ფორლანისა და აგუეროს წასვლით იქ ყველაფერი 0-დან იწყებოდა.
სიბერეში შვილიშვილებს ამ ამბავს სიამაყით მოვუყვები. ოქროს ბურთზე ფიქრის გარდა, ლა ლიგაში ორი სეზონის განმავლობაში 52 გოლი შევაგდე. ისევ უნდა ვახსენო ლიონელი და კრიშტიანუ: ისინი რომ არა, პრიმერა დივიზიონის საუკეთესო გოლეადორი გავხდებოდი. ჩემზე მეტს იმ დროს მხოლოდ არგენტინელი და პორტუგალიელი შემტევები იტანდნენ."
