ეროვნული ლიგის ფლეი-ოფის მატჩები საკმაოდ დრამატულად დასრულდა. ცნობილია 10-ვე გუნდი, რომლებიც მომავალ წელს ეროვნულ ლიგაში იასპარეზებენ.
ეროვნული ლიგა 2-ში რუსთავმა პირველი ადგილი დაიკავა და უმაღლეს ლიგაში ავტომატურად აღზევდა. მეორე ლიგაში კი კოლხეთი, გარეჯი და თელავი დაქვეითდნენ.
ფლეი-ოფში მეშახტე თელავს დაუპირისპირდა. ამ გუნდების პირველი და მეორე მატჩიც იდენტური ანგარიშით, 1:1 დასრულდა და დაინიშნა პენალტების სერია, სადაც გამარჯვება ტყიბულელებს ერგოთ.
სპაერმა პირველ მატჩში გარეჯი კომფორტული სხვაობით, 2:0 დაამარცხა და განმეორებით მატჩსაც იგებდნენ, თუმცა გარეჯმა მეორე ტაიმში ორი ბურთი გაიტანა და სიტუაცია დაძაბა. საბოლოოდ, სპაერმა საქმე ბოლომდე მიიყვანა და ორი მატჩის ჯამში 3:2 მოიგო.
აღსანიშნავია, რომ სპაერი და მეშახტე ეროვნულ ლიგაში ისტორიაში პირველად იასპარეზებენ.
