როგორც მოგეხსენებათ, მადრიდის რეალი ლონდონის არსენალთან პირველ მატჩში 0:3 განადგურდა. ისტორიას ახსოვს მხოლოდ ორი შემთხვევა, როდესაც გუნდმა მთავარი საკლუბო ტურნირის 1/4 ფინალში 3-ბურთიანი წაგების შემდეგ ქამბექის გაკეთება შეძლო.
პირველი მოხდა 2003/2004 წლების სეზონში, მილანისა და ლა კორუნიის დეპორტივოს დაპირისპირებაში. პირველ მატჩში დაფიქსირდა 4:1 "როსონერის" სასარგებლოდ, საპასუხო შეხვედრაში კი გალისიელებმა მოქმედი ჩემპიონი 4:0 გაანადგურეს. საერთო ჯამში 5:4 ესპანელთა სასარგებლოდ.
რაც შეეხება მეორე შემთხვევას, 2017/2018 წლების სეზონი - ბარსელონა რომას პირველ მატჩში ანადგურებს 4:1-ს, თუმცა განმეორებითში 0:3-ს აგებს. დიახ, საერთო ჯამში დაფიქსირდა 4:4, მაგრამ "ჯალოროსიმ" კატალონიელებს სტუმრად გატანილი ბურთის ხარჯზე აჯობა. ვნახოთ, რა იქნება "სამეფო კლუბისა" და "მეთოფეების" დუელში.
ქამბექები 1/4 ფინალში 3-ბურთიანი წაგების შემდეგ
| 2003/2004 | მილანი 4:1 დეპორტივო | დეპორტივო 4:0 მილანი |
| 2017/2018 | ბარსელონა 4:1* რომა | რომა 3:0 ბარსელონა |
