ამასობაში, საქმეში ამერიკული კლუბები ჩაერთვნენ, ყველაზე მეტად კი ლოს ანჯელესი აქტიურობს — ამერიკის თასის ორგზის გამარჯვებულს, ორიგის დამატება იჯარა + გამოსყიდვის ვალდებულებით სურს, რაც მილანს აწყობს. იტალიური გუნდი ამ გარიგებით დაახლოებით €5 მილიონამდე მიიღებს.
ორიგი მილანში 2022 წლის ზაფხულში, ლივერპულიდან თავისუფალი აგენტის სტატუსით გადავიდა. 2022/23 სეზონში, ფეხბურთელმა ჯამში 36 შეხვედრა ჩაატარა, რა დროშიც 2 გოლის გატანა და 1 საგოლე გადაცემის გაკეთება მოასწრო. შემდეგ იყო ინგლისში ტრანსფერი, კერძოდ ნოტინგემში, სადაც 6 თვეში მხოლოდ 9 შეხვედრაში მიიღო მონაწილეობა.
