ინგლისის ეროვნული ნაკრების ლეგენდარულმა თავდამსხმელმა, გარი ლინეკერმა ნაპოლის ფორვარდის, ვიქტორ ოსიმენის მომავლის შესახებ ისაუბრა. ვეტერანმა გოლეადორმა რჩევის სახით მას ლონდონის არსენალში გადასვლა ურჩია. როგორც ვიცით, ნიგერიელმა პრემიერ ლიგაში თამაშის სურვილი ღიად დააფიქსირა.
"ოსიმენის ადგილას რომ ვიყო, კარიერას არსენალში გავაგრძელებდი. ტრანსფერის ფინანსურ საკითხს რომ მივუდგეთ, ისინი ნამდვილად შეძლებენ როგორც ნაპოლის, ისე მათი ფორვარდის დაყოლიებასაც. ვფიქრობ, ლონდონელები ვიქტორით შეტევაში ნებისმიერი გამოწვევებისთვის მზად იქნებიან. დიდი სიამოვნებით ვიხილავდი მას ეპლ-ში.
დიახ, ნიგერიელის სახელს უკავშირებენ მანჩესტერსა და ჩელსის, თუმცა ამ გუნდებში გადასვლას მას არ ვურჩევ. ორივე ვარიანტი შესაძლოა იყოს პრობლემური, მაშინ, როდესაც ჩემს მიერ არჩეული ვარიანტი უკვე აწყობილი და დალაგებულია. დიახ, მათ მხოლოდ ძლიერი გოლეადორი სჭირდებათ", - განაცხადა ინგლისელმა.
შეგახსენებთ, რომ "პარტენოპეის" თავდამსხმელმა თავის კუმირად დაასახელა ლეგენდარული დიდიე დროგბა, რითაც ქალაქ ლონდონის ლურჯი მხარის ყურადღება კიდევ უფრო მიიქცია. ცნობისთვის, აურელიო დე ლაურენტისმა თავისი კლუბის ფორვარდის არც მადრიდის რეალში ან პარი სენ-ჟერმენში ტრანსფერი გამორიცხა.
