ჩემპიონთა ლიგის ახალი სეზონის პირველი ტურის შემდეგ, გულშემატკივრებს შაბათ-კვირას ტოპ ლიგებში საინტერესო მატჩები ელოდებათ. ერთ-ერთი გამორჩეული დაპირისპირება ლიგა 1-ში გაიმართება, სადაც მაყურებელი ფრანგულ კლასიკას, მარსელი vs. პარი სენ-ჟერმენის შეხვედრას იხილავს.
ამ მატჩს ლუის ენრიკეს გუნდი სერიოზული დანაკლისით ხვდება. დეზირე დუეს, უსმან დემბელესა და ლუკას ბერალდოს შემდეგ, ტრავმა მიიღო პარიზელთა ერთ-ერთმა წამყვანმა ფეხბურთელმა ჟოაუ ნევეშმა. ახალგაზრდა პორტუგალიელმა ნახევარმცველმა დაზიანება ატალანტასთან მატჩის დროს მიიღო, რის გამოც საკუთარ გუნდს მარსელთან გასამართ მნიშვნელოვან მატჩში ვერ დაეხმარება.
მარსელი-პსჟ 21 სექტემბერს, თბილისის დროით 22:45 საათზე გაიმართება.
